Meninjau Papaccur/ Pepaccur Sebagai Seni Budaya Lappung
Meninjau Papaccur / Pepaccur Sebagai Seni Budaya Lampung : Dilem perkembangan dunio tano ijo kesenian dan adat budayo lappung terus tergerus oleh kemajuan zaman. Semakin modern kemajuan zaman semakin balak munih tantangan sei ago dihadapi gham sebagai generasi penerus penjaga adat budayo lappung.
Papaccur iolah salah satew kesenian lappung, terutamo seni sastra sei isseine nasihat, harapan, petunjuk dilem pengejukkan adek/gelagh. Papaccur dipakai dilem upacaro adat gegeh kawinan jamo selamatan. Biasone ditigehke diwattew agow ngamai adek jamo nginai adek. Papaccur dibacoke tokoh sei ahlei dilem ngelagewke sesuai iramane. Sei kedo cirei-cireine iolah:
Papaccur iolah salah satew kesenian lappung, terutamo seni sastra sei isseine nasihat, harapan, petunjuk dilem pengejukkan adek/gelagh. Papaccur dipakai dilem upacaro adat gegeh kawinan jamo selamatan. Biasone ditigehke diwattew agow ngamai adek jamo nginai adek. Papaccur dibacoke tokoh sei ahlei dilem ngelagewke sesuai iramane. Sei kedo cirei-cireine iolah:
- Mak makko pembukaan
- Isseine nasihat
- Ngemik pola ab ab, abcd, abc abc
- Dapek ditigehke dikedow jugo, terutamo di acaro adat budayo dan begawei
- Terdirei anjak sejumlah bait dan tiap bait terdirei atas pak atau enem baris. Jumlah bait tergattung cutik nyow nayahne sei ago ditigehke atau di juk nasihat.
Cuttew papaccur sei wat:
Sesikun ulun ghebei
Lagei lak ketinggalan
Tigeh di jaman tano
Akuklah ilmeu paghei
Semungguk wat isian
Cemungak tando hapo
Dang mak nemen bekerjo
Dang besay iney itew
Disiplin utamoke
Dang lalai jamo wattew
Syukur alhamdulilah
Tigeh judeumeu tano
Dendeng segalo badan
Kekalau metei wo tuah
Ino sai upo du’o
Kiluyan adek Tuhan
Tano tigeh judeumew
Memugo mettei wo rawan
Tigeh alam salah nei
Tuah nyepik di kukew
Ules ninding dibadan
Rezekei tawit milei
Basing upo masalah
Perlew becawo
Jamo kaban wewaghian
Najin sepuluh mudah
Sebalas gham bertanyo
Mangi mak salah jaluran
Jamo Lah- Uyang dang makko lalat
Pilih pikiran kidapek ngesai
Bebasing rasan jejamo ngakkat
Walau yo biyak mak ghaso palai
Agamo dang sapppai lalai
Lakunei perittah Tuhan
Jawehhei sei mak beguno
Adat munih tepakai
Mufakat, sakai sambayan
Nemui nyimah dang lupo
Cukup pay bales ijo
Panggeh sikam di nikew
Mahhappun ngalimpuro
Katteu wat cawo teliyew
Ijo salah satu contoh lain anjak papaccur, dilem video ijo gambar sangun mak jelas, anying suarone jelas dan dapek gham dengeike jamo-jamo
Inolah salah satu seni tradisi gham lappung. Sei ikam kutip anjak berbagai sumber, terutamo issei papaccur sino sikam kutip anjak Jurnal FKIP unila sei ditulis Sukmawati, Muhammad Fuad dan Munaris. Mungkin gaweh nayah gham tano sei mak pandai, mak pahhem ulah gham mak makko sarana sei memadai pakai mempelajari adat budayo gham sayan. Ditengah-tengah himpitan kebudayaan sei baghih gham ngemik tantangan sei luas. Nyow kah gham agow mempertahankan adat istiadat sei kak diwariske appew tuyuk gham anjak ghebei, nyow kah gham nagenke segalo sei wat tano nakhat tegerus arus budayo global? unyenne di pungew ghamlah segalo tantangan sino, sebagai generasi penerus adat budayo lappung. Salam Kemuakhian..
Inolah salah satu seni tradisi gham lappung. Sei ikam kutip anjak berbagai sumber, terutamo issei papaccur sino sikam kutip anjak Jurnal FKIP unila sei ditulis Sukmawati, Muhammad Fuad dan Munaris. Mungkin gaweh nayah gham tano sei mak pandai, mak pahhem ulah gham mak makko sarana sei memadai pakai mempelajari adat budayo gham sayan. Ditengah-tengah himpitan kebudayaan sei baghih gham ngemik tantangan sei luas. Nyow kah gham agow mempertahankan adat istiadat sei kak diwariske appew tuyuk gham anjak ghebei, nyow kah gham nagenke segalo sei wat tano nakhat tegerus arus budayo global? unyenne di pungew ghamlah segalo tantangan sino, sebagai generasi penerus adat budayo lappung. Salam Kemuakhian..
